LOJËRAT VIII FRANKOFONE
Pas Distrias, edhe Akili i artë
27 July, 2017 @9:27
Edhe xhudisti i radhës i KXH Ippon nga Peja, i ka sjellë medalje të artë Kosovës në Lojërat VIII të Frankofonisë që po mbahen në Abixhan të Bregut të Fildishtë.
Akil Gjakova ka mposhtur në finalen e kategorisë -73 kilogram marokenin Ahmed El Meziati me ippon pas 1 minutë e 54 sekondave luftë.
Para tij, Gjakova mposhti francezin Mathieu Little Lebreton me Waza-Ari ndërsa në çerekfinale me ippon eliminoi Royal Rakotoarivonyn nga Madagaskari.
Pardje, Distria Krasniqi u stolis me medalje të artë në kategorinë e saj në xhudo, ndërsa Kosova po merr pjesë për herë të parë në Lojërat e Frankofonisë, prej se u bë pjesë e organizatës së këtyre shteteve.
