Ricciardo fiton, Hamilton i jashtëzakonshëm

Ngasësi i Red Bullit, Daniel Ricciardo, ka arritur të regjistrojë triumfin e dytë në këtë kampionat të Formula 1, duke triumfuar në shtegun e Hungaroringut sot. 

Ky ka qenë qenë triumfi i dytë për australianin e Red Bullit, pas fitores në Kanadë, katër gara më parë. 

Ndërrimi i kushteve meteorologjike në garë i ka ndihmuar shumë Lewis Hamiltonit, që ka pasur një garë tejet të mirë. Britaniku u nis i fundit sot, derisa përfundoi si i treti garën duke e ngushtuar epërsinë me liderin e kampionatit dhe kolegun nga Mercedesi, Nico Rosberg. 

Bile, Rosberg tentoi mjaft që në xhiron e fundit ta kalojë Hamiltonin, por nuk e arriti këtë. 

Taktika të shumta të skuadrave u panë sot, pasi që në disa raste u paraqit edhe ‘Safety Car’ - që bëri garën edhe më të paparashikueshme, pasi që kjo ndikoi në humbjen e avantazhit të Rosbergut, që ia nisi garës nga pozita e parë. 

Spanjolli i Ferrarit, Fernando Alonso, përfundoi garën i dyti. Ai ishte në vend të parë deri kah fundi i garës, kur disa xhiro para fundit, Ricciardo, me goma të freskëta, fluturoi për të kaluar Hamiltonin dhe Alonson. 

Felipe Massa zuri pozitën e pestë me Williamsin e tij, derisa pas tij u renditën, Kimi Raikkonen me Ferrari, Sebastian Vettel me Red Bull dhe Valtteri Bottas me Williams. 

TOP 5 GARUESIT NË HUNGARIAN GP:

TOP 5 GARUESIT, RENDITJA E PËRGJITHSHME: