KBF JUNIOR 06 - KBF PRISHTINA
TOPSPORTI / Arian Paçarizi
Rice me triple-double, KBF Prishtina triumfon në Prizren
8 November, 2024 @22:50
Në ndeshjen hapëse të xhiros së pestë në Ligën e Femrave, KBF Prishtina e mposhti Junior 06-shin në Prizren me rezultat 62-73.
Alaina Rice shkëlqeu me shifrat magjike triple-double prej 18 pikëve, 19 kërcimeve e 12 asistime, njëkohësisht ky ishte triple-double i parë i stinorit në Ligën e Femrave.
Rice u ndihmua edhe nga Kayla Johnson me 19 pikë dhe Malvina Haziri me 16 pikë të tjera.
Te skuadra prizrenase u veçuan Tanyia Gordon me 30 pikë e 13 kërcime, dhe Abigail Ogle me 16 pikë.
Prishtina ka bilanc prej 3 fitoreve e 2 humbjeve, kurse Junior 06 me 1 fitore e 4 humbje.
Në xhiron tjetër Prishtina do të takohet në derbi me Bashkimin, derisa Junior 06 me Penzën.
