Rosberg merr startin, para Hamiltonit

Piloti gjerman i Mercedesit, Nico Rosberg, ka arritur të dalë fitues i garës për pole-position para garës së nesërme për Çmimin e Madh të Gjermanisë në shtegun Hockenheim.

Rosberg ka qenë më i mirë se kolegu i tij i skuadrës, Lewis Hamilton, tre herë në përgatitje gjatë javës dhe këtë e ka arritur edhe sot, në garën që përcakton renditjen e startit të nesërm.

Pas dyshes së Mercedesit që do të nisin nga rendi i parë, janë renditur Daniel Ricciardo, Max Verstappen (të dy Red Bull) dhe pas tyre dyshja e Ferrarit, Kimi Raikkonen e Sebastian Vettel.