AZARENKA
REUTERS/Daniel Munoz
Vazhdon, e sigurtë!
21 January, 2013 @10:04
Numri një i botës, Victoria Azarenka, është e vetmja tenisere nga katërshja më e mirë që ka lëshuar një set gjatë turneut të sivjetshëm të Australian Open.
Mirëpo, pa marrë parasysh këtë, Azarenka kaloi tepër lehtë dhe shpejtë në çerekfinale pasi që e demoloi kundërshtaren ruse, Elena Vesnina, për më pak se një orë lojë.
Azarenka, e cila mposhti 6-1 dhe 6-1 Vesninën, do të ndeshet me rusen tjetër, Svetlana Kuznetsova në çerekfinale, e cila rrënoi bartësen e dhjetë, Caroline Wozniacki, 6-2, 2-6 dhe 7-5 në sete në Rod Laver Arena të Melbourne Parkut.
