Evertoni huazon mesfushorin e Napolit!

Evertoni, që është në krizë të lojtarëve ka zyrtarizuar sot futbollistin Jesper Lindstrom, që erdhi si huazim nga Napoli. Danezi 24-vjeç në kontratë ka edhe opcionin e kalimit permanent te ekipi i kaltër nga qyteti i Liverpoolit.

Përndryshe Everton ditë më parë shiti lojtarin më të dalluar të ekipit Amadou Onana dhe fitoi të holla të mira, pas kalimit të tij në Aston Villa. Mirëpo, ekipi që po kërkon investues të rinj nuk ka lojtarë që mund të përballojnë Premier Ligën. Në dy stinorët e fundit skuadra mezi po shpëton aty dhe një gjë e tillë pritet përsëri, shkruajnë mediat angleze.