BREIDABLIK - DRITA
![Debutuesit shënojnë, Maloku fantastik, Drita fiton në Islandë Debutuesit shënojnë, Maloku fantastik, Drita fiton në Islandë](https://topsporti.com/images/uploads/_new_article_sans/BreidablikDrita_pic_from_the_match_in_ConferenceLeague_july2024.jpg)
Foto: FFK
Debutuesit shënojnë, Maloku fantastik, Drita fiton në Islandë
25 July, 2024 @23:46
Fitore e madhe për Dritën në Conference League sonte.
Gjilanasit fituan 1-2 në udhëtim te skuadra Breidablik në Islandë, për ta nisur kështu ndeshjen kthyese në Kosovë javën tjetër duke qenë në epërsi.
Dy ardhjet e reja, Arb Manaj dhe Veton Tusha, gjetën rrjetën në debutimet e tyre për Dritën. Manaj shënoi në minutën e 3’ e më pas Tusha në minutën e 24’, ndërkohë vendasit rezultatin e ngushtuan në minutën e 71’ përmes futbollistit Thorvaldsson për përfundimtaren 1-2.
Paraqitje të mirë për Dritën pati portieri Faton Maloku, i cili duket se lëndimin afatgjatë tashmë e ka kaluar. Maloku ishte vendimtar në disa raste për Dritën në këtë takim.
Për shkak të dy kartonëve të verdhë, Besnik Krasniqi u përjashtua nga loja sonte, me ç‘rast do t’i mungojë Dritës në ndeshjen e kthimit.
Ndeshja e kthimit luhet të martën më 30 korrik në Podujevë.
Nëse Drita e kalon këtë rreth, në rrethin e tretë kualifikues të Conference League luan ndaj fituesit të duelit Auda vs. Cliftonville.