Veterani Rama i sjell medalje Kosovës

Veterani i atletikës kosovare, Muhamet Rama, ka arritur të merr vendin e dytë në kampionatin e veteranëve të atletikës të mbajtur ditë më parë në Ancona të Italisë.

Rama ka përfunduar i dyti në garën e grupmoshës mbi 70 vjeç në gjatësitë 800 dhe 1500 metra.

Në këto gara të Ancona 2016 për veteranë, kanë marrë pjesë edhe Zymer Alaj, Xhavit Tahiri e Naim Malaezi, por nuk kanë arritur të stolisen me medalje.

Kryetari i Shoqatës së Atletikës kosovare Driton Haliti është shprehur të jetë i kënaqur me mikrpitjen e italianëve si dhe me rezultatin e arritur atje, ndërsa atletët kanë treguar se kanë marrë për herë të parë pjesë në gara në ambiente të mbyllura ku kanë pasur vështirësi.