FORMULA 1
REUTERS/Sergio Moraes
Vettel mund të humb titullin!
29 November, 2012 @10:38
Gjermani 25 vjeçar, Sebastian Vettel, u bë piloti më i ri që ka marrë tre tituj të kampionit rresht në Formula 1, që është rekord historik.
Mirëpo, spanjolli Fernando Alonso, që për pak pikë nuk arriti të bëhet kampion bashkë me ekipin e Ferrarit janë duke e shikuar mundësinë që të ankohen për një lëshim në garë.
Nëse vërtetohet që Vettel ka tejkaluar Jean-Eric Vergnen e ekipit Toro Rosso derisa flamujt e verdhë ishin të ngritur në shteg, gjermani do të mund të dënohet me 20 pikë minus, e kjo do ta bënte spanjollin e Ferrarit kampion, përkundër se kampionati përfundoi.
Flamujt e verdhë përdoren për të identifikuar zonat në shteg ku ndalohet tejkalimi për shkak të ndonjë rrezikshmërie që paraqitet gjatë garës.
Dënimi më i vogël për tejkalim derisa këta flamuj janë të ngritur është heqja e 20 pikëve nga totali. E kjo do të thotë - titulli i Alonsos!
