Vettel nis i pari në atdhe

Në kualifikimet për Shpërblimin e Madh të Gjermanisë, Lewis Hamilton pati probleme hidraulike në bolid në fund të sesionit të parë të kualifikimeve duke mbetur i katërmbëdhjeti nesër në start.

Në sesionin e dytë në shtegun e Hockenheimit nuk u paraqit as Daniel Ricciardo i cili për shkak të penalltisë do të nis garën i fundit nesër.

Sebastian Vettel i Ferrarit arriti kohën më të shpejtë duke kapërcyer kohën e Valtteri Bottas për 0.204 sekonda. Kolegu i tij nga Ferrari, Kimmi Raikkonen nis i treti, para Max Verstappen, dhe dyshes së Haas, Kevin Magnussen e Romain Grosjean, të cilët arritën rezultatin më të mirë në kualifikime në Gjermani për skuderinë amerikane.

Gara nesër nis në ora 15:10.

Kualifikimet