Vettel s’e zëvendëson Rosbergun

Ngasësi i Ferrarit, Sebastian Vettel, ka mohuar përfoljet se mund të jetë zëvendësues i Nico Rosbergut që u bë kampion i botës dhe u pensionua këtë vit.

“Nuk është fshehtësi që unë dhe Kimi Raikkonen kemi kontratë me Ferrarin edhe për vitin 2017 - prandaj këtu gjithçka është e qartë,” ka thënë Vettel duke bërë të ditur se nuk do të lëviz nga të kuqtë.

Rosberg 32 vjeç, që për herë të parë u shpall kampion i Formula 1, befasoi botën kur tha se do të pensionohet - dhe atë vetëm disa ditë pasi që u bë kampion.