Të gjitha lajmet

WIMBLEDON 2019

Wimbledon 2019 - Parashikim

Wimbledon 2019 - Parashikim

Shkruan: Luan MORINA

1 July, 2019 @9:19

Ndonëse janë katër grand-slam, të gjithë e dimë që Wimbledon është turneu më i veçantë në sportin e bardhë, i cili rrjedhimisht quhet kështu për shkak të rregullit të veshjes në po këtë turne.

Ndryshimet

Edhe këtë vit, Wimbledon do të jetë pishtar i risive. Nëntë vite pas, ndeshja ndërmjet John Isner dhe NIcolas Mahut do të pensionohet si ndeshja më e gjatë në histori të tenisit. 11 orë e pesë minuta përgjatë tri ditëve iu nevojitën amerikanit të fitojë ndeshje, dhe 8 orë e 11 minuta setin e pestë 70-68. Tanimë seti i pestë tek meshkujt e i treti tek femrat do të vendoset me tie-break nëse rezultati arrin në 12-12. Më së shumti do të kemi 13 gema në setin e fundit nga fituesi. Këtë vit, edhe shiu do të ketë më pak rëndësi pasi edhe terreni numër 1 është i mbuluar tashti. Njëjtë sikur ai qendror edhe ky do të nisin programin në ora 14:00 me mundësi loje deri në mesnatë sipas orës tonë. Ndërkohë në terrenet tjera ndeshjet do të nisin gjysmë ore më herët se zakonisht, në mesditë sipas orës tonë. Dhe njëjtë sikur Glastonbury, edhe Wimbledon këtë vit është i çliruar nga plastikat me materiale 100% të ricikluara.

Favoritët

Tek meshkujt, nga favoritët kryesor, vetëm Roger Federer ka provuar barin pas Roland Garrosit. Ai fitoi në Halle për kushedi të satën herë, gjersa në ish-Gerry Weber Open (tashti Noventi), të pranishëm ishin edhe Sasha Zverev e Bautista Agut. Ndërkohë në Queens patëm një fitues të papritur me pensionistin e ardhshëm, Feliciano Lopez i cili në duelin e ‘veteranëve’ mposhti Gilles Simon. Asnjëri nga ta nuk ka shanse reale për Wimbledon. Jo më shumë se Auger-Aliassime e Medvedev, të cilët i mposhtën në gjysmëfinale. Një rreth më parë kishte rënë Tsitsipas. Ndërkohë, Nadal, Djokovic, Thiem, e Nishikori vijnë me tri javë pushim pa zhvilluar asnjë turne që nga Roland Garrosi. Përshtatja me terrenin e blertë s’do të duhej të ishte problem për ta kur dihet përvoja që kanë. Por, Wimbledoni di të ofrojë befasia gjithmonë. Njëjtë edhe tek titulli që s’dihet se kujt do t’i shkojë, e zor që s’do të jetë i njërit nga treshja e përhershme!

Barty

Tek femrat, Ash Barty ka vazhduar serinë e pamposhtshmërisë edhe në Birmingham. Çuditërisht është favoritja kryesore ndofta edhe në Wimbledon. Pliskova fitoi turneun tjetër të madh në Eastbourne, por të gjithë e dimë se ajo ende ka probleme me Grand Slame. Barin e shijuan edhe Bertens me dy turne, njëjtë si Kerber e Konta. Tinejxheret Vondrousova e Anisimova s’do ta kenë të lehtë të përsërisin Roland Garrosin, gjersa veteranet pritet të dalin në plan të parë. Por, zor që Serena Williams e Andy Murray mund të arrijnë vikendin final. Të dy janë larg formës së tyre të mirë, dhe maksimumi që mund të bëjnë është të parakalojnë edhe për një herë, ndoshta të fundit, në terrenet ku dominuan disa herë gjatë karrierës.

Shorti

Ka një gjasë minimale që në rrethin e katërt të jemi dëshmitar të një dueli ndërmjet Serena Williams dhe Maria Sharapovas. Ndërkohë Barty mund të ketë probleme me Muguruzan apo Bencicin. Njëjtë edhe Kvitova me Anisimovan, Kontan, e Stephensin në sektorin ndoshta më të rëndë të shortit. Wozniacki dhe Osaka mund të luftojnë për një vend në çerekfinale, gjersa Halep mund të befasohet qysh në ditën e parë nga Sasnovich. Dy bjelloruset tjera, Azarenka e Sabalenka, mund ta presin gjatë rrugës për në çerekfinale. . Pliskova, Svitolina, e Bertens kanë një short jashtëzakonisht të lehtë. Tek meshkujt, Federer e ka ndoshta më lehtë nga treshja, derisa me Nadalin mund të takohet në gjysmëfinale. Spanjolli mund të ketë punë (të gjithë lutemi për një ndeshje të tillë) me Kyrgiosin qysh në rrethin e dytë! Cilic, jashtë formës, mund ta konkurrojë për çerekfinale. Njëkohësisht edhe Djokovic mund të ketë probleme për çerekfinale me njërin nga talentet universal, Felix Auger-Aliassime. Finalisti i vitit të kaluar zor që do të arrijë në çerekfinale me Raonicin e Wawrinka në sektorin e tij, gjersa Tsitsipas e Medvedev, Khachanov e Zverev mund të ofrojnë duele të gjeneratës së re për dy vende në çerekfinale. Që të gjithë janë në gjysmën e Djokovicit.Thiemit e Fogninit, ekspertët e argjilës janë në të njëjtin sektor, por pa ndonjë emër serioz që mund t’i befasojë në bari. Përgjithësisht, befasitë më të mundshme janë tek femrat ku kemi një lëmsh favoritesh. Tek meshkujt, pritet të jetë ‘kënga e vjetër’ me treshen e zakonshme!

CITY

Pep zbulon se sa do të mungojë Sane

9 August, 2019 @17:06

Leroy Sane pritet të mungojë rreth gjashtë ose shtatë muaj pasi që pësoi lendim të gjurit. 23 vjeçari, krisi ligamentin…

ARRIHET MARRËVESHJA

Gjykatësi vendos për ditët e LaLigas

9 August, 2019 @17:02

La Liga dhe Federata e Futbollit e Spanjës kanë arritur marrëveshje përfundimtare sa i përket orarit të ndeshjeve për sezonin…

DANEZI

Edhe Schone largohet nga Ajaxi

9 August, 2019 @16:56

Transferi më i ri i ekipit të Genoa, Lasse Schone është zyrtarizuar gjatë dites së sotme. Për ekipin e…

RIKTHIM NË SUPERIORE

Ish mbrojtësi i kombëtares dhe Skënderbeut, te Tirana

9 August, 2019 @15:46

Futbollisti me përvojë, që së fundi luajti si mbrojtës te Skënderbeu i Korçës, Kristi Vangjeli, është zytarizuar sot si lojtar…

DREJTOR SPORTIV

Artim Pollozhani te Flamurtari i Vlorës

9 August, 2019 @15:42

Ish futbollisti i reprezentacionit të Maqedonisë dhe futbollisti i Flamurtarit të Vlorës, Artim Pollozhani, pas vënies së këpucëve në gozhdë…

Të gjitha lajmet nga