KBF PRISHTINA - KBF BASHKIMI
FOTO / Apostrof Studio
6ashkimi fiton derbin, 6/6 vazhdon seria
17 November, 2024 @21:42
Kampionet aktuale, Bashkimi, e mposhtën Prishtinën me rezultat 71-78 dhe e ngritën serinë në 6 fitore rresht.
Rezultati ishte i ngushtë në 2 çerekët e parë, derisa Bashkimi me koncentrim të lartë, në pjesën e dytë e kontrolloi ndeshjen dhe e mposhti kundërshtaren për herë të dytë në këtë stinor.
Bashkimi sonte luajti me vetëm 5 lojtare. Caterrion Thompson shkëlqeu me 29 pikë, derisa me double-double luajtën Amari Heard me 23 pikë e 10 kërcime dhe Arbnore Përquku me 16 pikë e 11 asistime, e 6 kërcime.
Te Prishtina u veçuan Jayla Johnson me 24 pikë e 10 kërcime dhe Alaina Rice me 18 pikë e 13 kërcime.
Bashkimi është skuadra e vetme pa humbje në Ligë, 6 fitore e 0 humbje, kurse Prishtina me 3 fitore e 3 humbje gjendet në pozitën e katërt.
Në xhiron tjetër Bashkimi takohet me Pejën 03, derisa Prishtina me Penzën.
