Aksidenti i tmerrshëm, i vë hije garës në Suzuka

Ngasësi i ekipit Marussia, Jules Bianchi, u dërgua për spital pas një aksidenti serioz, që bëri të ndërprehet gara për Çmimin e Madh të Japonisë, nëntë xhiro para planit. 

Lewis Hamilton fitoi garën, por kjo fitore në shtegun e stërlagur Suzuka, që nisi me Safety Car dhe përfunfoi me flamur të kuq - definitivisht u hijezua me rastin Bianchi. 

“Ngasësi nuk është në vetëdije dhe u dërgua në spital me autoambulancë, pasi që helikopteri nuk mund të fluturojë në këto kushte atmosferike,” ka thënë ndër të tjera Matteo Bonciani, kreu i FIA-së për komunikim, për reporterët pas garës. 

Ngasësit tjerë kanë qenë dukshëm të shokuar, pas aksidentit të Bianchit, derisa treshja fituese e garës Hamilton, Nico Rosberg dhe Sebastian Vettel - nuk festuan pikët e tyre në podium. 

Video

Dërgimi i Jules Bianchit në spital

TOP 5 GARUESIT NË JAPANESE GP:

1	Lewis Hamilton	Mercedes	25 pikë
2	Nico Rosberg	Mercedes	18 pikë
3	Sebastian Vettel	Red Bull	15 pikë
4	Daniel Ricciardo	Red Bull	12 pikë
5	Jenson Button	Mc Laren	10 pikë

TOP 5 GARUESIT, RENDITJA E PËRGJITHSHME:

1	Lewis Hamilton	Mercedes	269 pikë
2	Nico Rosberg	Mercedes	256 pikë
3	Daniel Ricciardo	Red Bull	193 pikë
4	Sebastian Vettel	Red Bull	139 pikë
5	Fernando Alonso	Ferrari	133 pikë