KUPA E KOSOVËS
Çiftet gjysmëfinale në Kupë të Kosovës
10 April, 2019 @12:43
Të martën është tërhequr shorti për ndeshjet gjysmëfinale të Kupës së Kosovës në hendboll.
Me short është vendosur që në gjysmëfinale te meshkujt të takohen dy skuadrat që po luftojnë për titull.
Pra gjysmëfinalja më interesante është ajo në mes të Kastriotit të Ferizajt dhe Besa Famgas të Pejës. Gjysmëfinalja tjetër te hendbollistët është Trepça – Prishtina.
Te hendbollistet në gjysmëfinalen e parë takohen Vushtrria e Prishtina, ndërsa në gjysmëfinalen e dytë përballë do të jenë Istogu e Shqiponja. Istogu është fitues në fuqi i Kupës, ndërsa Shqiponja është kampione aktuale.
Te meshkujt fitues aktual i Kupës dhe kampion aktual është Besa Famgas.
Ndeshjet gjysmëfinale luhen më 3 maj, ndërsa finalet më 5 maj.
ÇIFTET GJYSMËFINALE:
| FEMRAT | Vushtrria - Prishtina | Istogu - Shqiponja | |
| MESHKUJT | Kastrioti - Besa Famgas | Trepça - Prishtina |
