XHUDO
4 ipponë për të artën!
5 April, 2019 @19:34
Distria Krasniqi ka fituar ta fitojë medaljen e artë në Grand Prixin e xhudos, i cili gjatë këtyre ditëve po mbahet në Antalia të Turqisë.
Xhudistja nga Kosova triumfoi me ippon në finale ndaj xhudistes Otgontsetseg Galbadrakh nga Kazakistani, për ta fituar kështu medaljen e artë në kategorinë deri në 48 kilogramë.
Medaljen e fituar sot xhudistja e drejtuar nga Driton Kuka e fitoi duke fituar të gjitha sfidat e saj me “ippon”. Rrethin e parë të garave ajo e kaloi pa luftë, në të dytin më pas Krasniqi fitoi ndaj xhudistes Gulkader Senturk nga Turqia, ndërsa në çerekfinale mposhti serben Andrea Stojadinov. Në gjysmëfinale ajo që u mposht nga Distria ishte Yujeong Kang e Koresë së Jugut.
Me medaljen e sotme, Krasniqi, e vetmja garuese nga Kosova në Grand Prixin e Antalisë sivjet, fitoi 700 pikë Olimpike për Lojërat Olimpike Tokio 2020.
