TUNIS GRAND PRIX 2018
Distria e mbyll me medalje të argjendtë
19 January, 2018 @17:17
Pas fitores në gjysmëfinale ndaj sllovenes Anja Stangar, Distria Krasniqi është mposhtur në finalen e zhvilluar ndaj brazilianes Jessica Pereira në kuadër të kategorisë nën 52 kilogramë.
Distria ishte më e mirë se xhudistja braziliane për shumicën e kohës, mirëpo një gabim 5 sekonda pa përfunduar dueli i kushtoi dhe dueli u mbyll me fitoren e xhudistes braziliane, e cila këtë Grand Prix të Tunizisë e mbyll me medalje të artë.
Gjithsesi, paraqitja e Distrias mund të quhet e shkëlqyeshme dhe rikthimi në shtëpi me medalje të argjendtë është gjithashtu një sukses për çdo lëvdatë.
