SHENJËTARI
E arta e parë për Greqinë
9 August, 2016 @21:22
Anna Korakaki arriti të mbante nervat më mirë se konkurrentja e saj 13 vjet më me përvojë për të fituar të artën e parë për Greqinë në Rio. 20 vjeçarja fitoi në disiplinën 25m pistoletë duke qenë më e mirë në seri 8-6 se sa gjermania Monika Karsch.
Grekja kishte arritur të fitonte tri seritë e para për të arritur epërsinë prej 6-0, seri e cila u shkri me tri seritë vijuese të fituara nga Karsch. Megjithatë, Korakaki arriti të kthehet në serinë vendimtare duke qëlluar katër nga pesë shenjat.
E bronzta i takoi zviceranes Heidi Diethelm Gerber e cila mposhti kinezen numër një në botë Jingjing Zhang me rezultat 8-4. Për Zhang ishte kjo Olimpiadë e parë.