Edhe një e artë për Francën

Francezi Denis Gargaud Chanut arriti të jetë më i shpejti në kalimin e portave në kategorinë C1 në kajak të ujërave të rrëmbyeshme.

Chanut la mbrapa sllovakun Matej Benus i cili pati vetëm 0.85 pikë mbrapa kampionit të ri olimpik. Medalja e bronztë i takoi japonezit Takuya Haneda, derisa më i miri i kualifikimeve, gjermani Sideris Tasiadis u desh të kënaqet vetëm me pozitën e pestë pas të argjendtës në Londër.

Për Francën ishte ky titulli i katërt olimpik në këtë disiplinë pas tre titujve të Tony Estanguet.