Të gjitha lajmet

DITARI NR. 5 @ RIO 2016

Nora për Tokio

Foto: nga arkivi

Nora për Tokio

9 August, 2016 @13:40

Nora Gjakova u eliminua në rrethin e dytë dje. Në letër rumunia dukej në formë më të mirë, por aspak s’duhet të jemi të dëshpëruar për këtë eliminim. Edhe pse nuk e pamë për shkak të rregullave bajagi papake të regjisë, s’dyshojmë që Nora ka dhënë 100% nga vetja.

Për momentin ajo mbetet medaliste nga Lojërat Evropiane, diçka që nuk kanë arritur mbi 10 shtete të kontinentit të vjetër. Sukseset e saja s’besoj që do të mungojnë, e edhe Tokio nuk është shumë larg në kohë.

Sportistët tanë të radhës janë në atletikë e cila nis më vonë gjatë javës.

Ndërkohë Olimpiada po vazhdon, sa me rekorde aq edhe me befasi.

BEFASITË DHE REKORDET

Në peshëngritje, në qitje dhe në not u shënuan rekorde të reja botërore. Amerikanët po dominojnë notin, ashtu siç po dominojnë kinezët zhytjen. Interesant ishte përfundimi i garave në peshëngritje tek femrat dhe në skermë. Në gjimnastikë japonezët morën të artën duke qenë të paprekshëm nga konkurrentët.

Vashat e Australisë të udhëhequra nga e pandalshmja Charlotte Caslick fituan të artën e parë në ragbin me shtatë veta në Olimpiadë. Ishte një sport interesant, por megjithatë konkurrenca ishte goxha e ndryshueshme me disa ekipe prezentë sa për sy e faqe.

Sa për sy e faqe në Olimpiada ka qenë zakonisht Angola. Por jo në Rio. Afrikanet pas Rumanisë mbrëmë mposhtën të katrat e Evropës – Malin e Zi. Edhe Brazili po habit duke mposhtur edhe Rumaninë pas kampioneve olimpike Norvegjisë. Grupi B nuk po lejon befasia me Suedinë e Rusinë pa humbje.

g

Befasia po ndodhin në vaterpolo. Serbia mëzi mori një pikë nga Greqia duke u rikthyer në çerekun e fundit. Të njëjtin fat e pati edhe Hungaria ndaj një autsajderi tjetër – Australisë. Brazili po udhëheq Grupin A. Në grupin tjetër Kroacia fitoi derbin ndaj Malit të Zi.

Në basketboll amerikanët kryen punën lehtë pas çerekut të parë. Franca u këndell pas humbjes nga Australia e cila mposhti serbët bindshëm. Edhe tek femrat amerikanet po dominojnë lehtë. Kanadaja dhe Japonia shënuan fitore deri diku të papritura.

PROGRAMI I SOTËM

Sot në program janë finalet në sportin me kuaj. Garat e kombinuara që janë ndoshta edhe më interesantet përfundojnë sot në konkurrencën ekipore të cilat nisin në ora 15:00.

Vazhdojnë finalet në xhudo, zhytje, skermë, peshëngritje, e qitje. Edhe finalja ekipore e femrave në gjimnastikë është sot në program. Gjimnastika dhe zhytja nisin në ora 21:00. Në të njëjtën kohë është peshëngritja e femrave, derisa meshkujt në mesnatë. Skema kampionin e ri e mëson rreth orës 22, së bashku me xhudon. Qitja e kryen në ora 20:30.

d

Në not priten katër finale të barabarta. Në 200m lirë femrat konkurrojnë Pellegrini, Sjostrom, e Ledecky; në 200m fluturë Phelps do të provoj të ngjitet më lart se hungarezët dhe Le Clos; O’Connor do të tentoj të artën e dytë në 200m përzier për femrat për ti mohuar Hosszus; me 4x200m lirë për meshkujt mbyllet programi i ditës së katërt të notit që nis në ora 3:00 pas mesnate.

Gjysmë ore më vonë nis ndeshja e basketbollit të meshkujve ndërmjet Kroacisë dhe Argjentinës. Kina dhe Suedia me Kosovare Asllanin në futboll ndeshen në ora 3. Në ora 21:00, Gjermania pret Kanadanë në futboll të femrave. Në volejboll të meshkujve ndeshen Italia dhe SHBA nga ora 20:00, e në hendboll të meshkujve nga ora 16:30 takohen Gjermania dhe Polonia, me derbin që zhvillohen dy orë më herët kur takohen Katari me Francën.

Duke nisur nga ora 15:00 mund të ndiqni çerekfinalet në ping-pong individual tek të dy gjinitë dhe çerekfinalet në tenis në kategoritë e dysheve, gjithashtu tek të dy gjinitë.

 

KAMPION I KOSOVËS

Luboteni kampion i Kosovës

5 May, 2019 @20:46

Duke e fituar ndeshjen e katërt të serisë finale të PlayOffit të Superligës, Luboteni është shpallë zyrtarisht kampion i Kosovës…

KAMPIONATI EVROPIAN I KADETËVE

Erza e artë në Rumani

Foto nga arkivi

4 May, 2019 @18:38

Xhudistja nga Kosova, Erza Muminoviq, ka marrë medaljen e artë në kampionatin evropian për kadetë që po mbahet në Rumani.…

SUPERLIGA FEMRAT

Drita e pandalshme, përsëri kampione e Kosovës

Fotot: FVK

4 May, 2019 @9:39

Vajzat e ekipit të Dritës janë kampione të Kosovës për sezonin 2018/19 në volejboll. Dhe tash, për të katërtën herë…

DUELI I KATËRT I SERISË

Mund të vendoset kampioni i Kosovës

4 May, 2019 @9:28

Me fitore në ndeshjen e tretë të serisë të zhvilluar në Bill Clinton të Ferizajit, Luboteni ka marrë epërsinë e…

TE FEMRAT DHE MESHKUJT

Duelet e tretë të serisë së finaleve

29 April, 2019 @11:06

Pas fitores së vajzave të Dritës në përballjen e dytë të serisë finale ndaj M Technologie, tashmë seria finale e…

Të gjitha lajmet nga Të tjera