Tajlandezet dominojnë në peshëngritje

Sukanya Srisurat dhe Pimsiri Sirikaew kanë siguruar medaljen e artë dhe të argjendtë në peshëngritje në kategorinë deri 58kg tek femrat.

Srisurat ka ngritur 240 kilogramë në total duke thyer rekordin olimpik në shkëputje me 100 kilogramë të ngritur. Në shtytje ajo ngeci në 130 kilogramë duke dështuar në tentimi për të ngritur dy kilogramë më shumë. Po aq kilogramë në shtytje pati edhe Sirikaew, por ajo kishte ngecur vetëm në 102kg në shkëputje.

Medalja e bronztë i takoi tajvanezes Kuo Hsing-chun e cila në total pati 231 kilogramë të ngritur (102+129)

Pas tri garave në peshëngritje, Tajlanda, Tajvani dhe Kina kanë nga një të artë. Që të gjitha medaljet në këtë sport në Rio deri tani kanë shkuar tek shtetet aziatike.