KAJAK
Edhe një titull për Kozak
18 August, 2016 @22:35
Hungarezja Danuta Kozak ka fituar garën në K1 500m për femra duke mbrojtur titullin nga Londra. Kjo ishte e arta e dytë për Kozak në këtë olimpiadë pas triumfit në çifte me Gabriella Szabon. Ajo është favorite edhe në katërsh që nis të premten.
Në K1 në 500m tek femrat që ishte finalja e vetme e ditës së sotme, medalja e argjendtë i takoi danezes Emma Jorgensen, derisa kampionia në distancën 200m, Lisa Carrington nga Zelanda e Re përfundoi e treta për medaljen e bronztë.
Titullin nga Londra e mbrojti edhe ukrainasi Yuriy Cheban. Ai ishte më i shpejti në disiplinën C1 në 200m duke lënë mbrapa Valentin Demyanenkon nga Azerbajxhani dhe Isaquias Queiroz nga Brazili.
Dy finalet tjera të ditës ishin në çifte kajaki, K2 në 200m dhe 1000m. Në distancën më të shkurtër më të mirët ishin spanjollët Saul Craviotto dhe Cristian Toro. Britanikët Liam Heath e Jon Schofield përsëri përfunduan të dytët duke përsëritur suksesin nga olimpiada e kaluar. E bronzta u takoi Aurimas Lankas dhe Edvinas Ramanauskas nga Lituania.
Ndërkohë në 1000m, Max Rendschmidt dhe Marcus Gross nga Gjermania ishin të parët para serbëve Marko Tomicevic dhe Milenko Zoric, dhe australianëve Ken Wallace e Lachlan Tame.
Finalet e fundit në kajak zhvillohet të shtunën. Deri tani Spanja ka tri të arta, Gjermania e Hungaria nga dy.
