SHBA-të mbledhin medaljet në sprint me pengesa

Në disiplinën e dominuar nga SHBA-të në olimpiadat e fundit, Brianna Rollins, Nia Ali, e Kristi Castlin morën medaljet në vrapim 100m me pengesa.

Kampionia botërore nga Moska ishte më e shpejta duke përfunduar garën me kohë 12.48. Pas saj në cak arriti kampionia e dyfishtë e botës në 60m me pengesa në palestër, Nia Sifaatihii Ali, e cila u vonua për 0.11 sekonda. Dallim shumë më i ngushtë, vetëm 0.02 sekonda ishte ndërmjet saj dhe Kristi Castlin, e cila mori medaljen e parë të rëndësishme në moshën 28 vjeçare.

Në Londër, Dawn Harper dhe Këllie Wells kishin marrë të argjendtën dhe të bronztën për SHBA-të, derisa në Pekin kishte triumfuar Harper.