Edhe 200m për Elaine Thompson

Atletja nga Xhamajka, 24 vjeçarja Elaine Thompson, morri edhe të artën e dytë nga Rio. Ajo mbrëmë fitoi në vrapim 200m, garë të cilën e fitoi me kohë 21.78. E argjendta i takoi kampiones botërore nga Pekini, holandezes Dafne Schippers, e cila e mbylli garën me kohë 21.88, e mjaftueshme për medaljen e parë olimpike.

Medalja e dytë në këto lojëra ishte edhe për Tori Bowie. Amerikanja pas të argjendtës në 100m shtoi të bronztën në 200m me kohë 22.15.

Allyson Felix që tani garon në 400m, në disiplinë që kishte përfunduar e dyta në Rio, mbronte titullin nga Londra. Bashkëkombësja e Thompson, Veronica Campbell, kishte fituar Olimpiadat e Athinës dhe Pekinit në këtë disiplinë.