MUNDJE
4 të arta në 4 Olimpiada
18 August, 2016 @10:07
Të tri medaljet e arta në ditën e parë të mundjes për femrat i takuan Japonisë.
Kaori Icho arriti diçka që nuk kishte arritur asnjë femër para saj – të fitoj medalje të artë individuale në katër Lojëra Olimpike. Ajo këtë e bëri pasi në çastet e fundit të luftës kaloi në epërsi ndaj ruses Valeria Koblova në kategorinë deri 58kg. Icho kishte fituar të artën në tri olimpiadat e kaluara në kategorinë deri 63kg. Ajo është kampione e dhjetëfishtë botërore.
Edhe një duel ndërmjet Japonisë dhe Rusisë i takoi vendit nga Lindja e Largët. Sara Dosho ishte më e mirë se kampionia nga Londra në 72kg, Nataliya Vorobyova. Tri herë kampionia e botës Eri Tosaka fitoi të artën e parë në Lojëra Olimpike pas finales të baraspeshuar ndaj Mariya Stadnik nga Azerbajxhani.
Derisa të tri të artat u takuan japonezeve në ditën e parë të mundjes për femra, të gjitha të bronztat kishin fitues nga vende të ndryshme.
Sun Yanan nga Kina dhe Elitsa Yankova nga Bullgaria morën të bronztat në deri 48kg, Marwa Amri në Kinë e Sakshi Malik nga India në kategorinë deri 58kg, dhe të bronztat e fundit deri në 69kg shkuan për Elmira Syzdykova nga Kazakistani e Jenny Fransson nga Suedia.