UEFA FUTSAL CUP
Feniksi debuton me fitore
17 August, 2016 @21:03
Skuadra kampione e Kosovës në futsall, Feniksi, ka debutuar me fitore në arenën ndërkombëtare, përkatësisht në ndeshjen e parë zyrtare në UEFA Futsal Cup.
Në ndeshjen e zhvilluar në Angli me skuadrën Oxford City Lions, Feniksi triumfoi me rezultat 2-3.
Anglezët ishin të parët që kaluan në epërsi me golin e shënuar në minutën 11’, ndërsa një minutë më vonë Azem Brahimi e barazoi rezultatin.
Goli i dytë i Feniksit erdhi në minutën 15’ nga Narcis Alibegu, derisa rezultati u barazua edhe një herë me golin e shënuar nga skuadra vendase.
Por deri në fund skuadra kosovare arriti të shënojë edhe një herë me anë të spanjollit, Marcelo, për të siguruar kështu fitoren e parë historike.