PESHËNGRITJE
Finalja dramatike për gjeorgjianin
17 August, 2016 @11:16
Behdad Kordasiabi shënoi rekord të ri botëror në shkëputje duke ngritur 216kg në kategorinë më të rëndë në sportin e peshëngritjes, atë 105+kg. Megjithatë iraniani nuk arriti të mbroj titullin nga Londra pasi dy ngritje iu zhvleftësuan nga juria në shtytje, derisa dështoi në të tretën duke mbetur pa rezultat në këtë pjesë të garës, dhe si rrjedhojë edhe pa medalje.
Medaljet shkuan pë dy peshëngritësit gjeorgjian. Lasha Talakhadze 215kg të ngritur në shkëputje, u shtoi edhe 258kg në shtytje për të arritur totalin prej 473kg, rekord të ri botëror dhe olimpik. Bashkëvendësi i tij, Irakli Turmanidze përfundoi në sandviç të dy peshëngritësve armenian. Gjeorgjiani falë 448kg mori të bronztën, derisa Gor Minasyan solli të argjendtën për Armeninë me 451kg. Ruben Aleksanyan me 440kg mbeti pa medalje.
Në sportin e peshëngritjes, nga 15 disiplina, pesë i takuan Kinës që në total pati shtatë të arta. Me nga dy tituj prej këtyre lojërave olimpike largohet Tajlanda dhe Irani.