VELIM
Finn mbetet britanik
16 August, 2016 @22:04
Pas tre titujve të fituar nga legjendari Ben Ainslie në kategorinë Finn, është një tjetër britanik traditën.
Giles Scott përfundoi bindshëm i pari në këtë kategori duke fituar tri nga dhjetë garat, për të përfunduar i dyti në garën për medalje. Pas tij u rendit slloveni Vasilij Zbogar derisa e bronzta shkoi tek amerikani Caleb Paine.
Edhe në Laser e arta nuk ndërroi vend duke mbetur në Australi. Por, kësaj radhe ajo i takoi Tom Burton i cili nuk arriti të fitoj asnjërën garë. Lundërtari kroat, Tonci Stipanovic mori të argjendtën, derisa Sam Meech nga Zelanda e Re të bronztën.
Në debutimin e kategorisë Nacra 17 për çifte të përziera, e arta u takoi argjentinasve Santiago Lange dhe Cecilia Carranza Saroli. Ata përfunduan para çiftit australian Jason Waterhouse dhe Lisa Darmanin. Austria mori të bronztën me Thomas Zajac e Tanja Frank.
Dhe për fund, Marit Bouwmeester nga Holanda më në fund arriti të bëhej kampione në Laser Rrezor. Me vetëm një fitore dhe përkundër pozitës së shtatë në garën e medaljeve, holandezja la pas irlandezen Annalise Murphy. Danimarka mori medaljen e dytë të ditës me anë të Anne-Marie Rindom të cilës i takoi e bronzta.
Velimi mbaron të enjten me finalet në 470 dhe 49er në të dyja gjinitë.