ATLETIKË
Moment historik për Brazilin
16 August, 2016 @10:21
Braziliani Thiago Braz da Silva bëri historinë për vendin e Amazonës duke fituar medaljen e parë në kërcim me purtekë në Lojërat Olimpike. Dhe ajo ishte e arta pas kërcimit të 6.03m në finalen e mbrëmshme.
Da Silva shihej si inferior ndaj kampionit aktual olimpik dhe rekorderit botëror, francezit Renaud Lavillenie. Francezi mbeti me lartësi 5.98m që ishte rekord olimpik para se da Silva të kalonte në tentimin e dytë lartësinë 6.03m. pas dy dështimeve në këtë lartësi që nuk i garantonin të artën francezit edhe po ta kalonte me tentimin e tretë, Lavillenie shfrytëzoi tentimin e fundit në 6.08m të cilin nuk arriti ta kaloj.
Sam Kendricks nga SHBA-të mbeti me medaljen e bronztë falë lartësisë prej 5.85m.