ATLETIKË
Anita me rekord
15 August, 2016 @18:04
Polakja Anita Wlodarczyk ka fituar të artën në hedhjen e çekanit. Anita e arriti këtë duke thyer rekordin botëror të cilin e mbante vet ajo prej 81.08m, dhe atë olimpik të ruses Tatyana Lysenko prej 78.18m. Në finale, katër tentime të saja ishin më larg se rekordi olimpik, dy prej të cilave edhe përtej rekordit botëror 82.29m dhe 81.74m.
Wenxiu Zhang solli të argjendtën për Kinën me 76.75m, derisa Sophie Hitchon nga Britania e Madhe siguroi të bronztën në serinë e fundit duke hedhur për 74.54m.
Për Poloninë ishte ky titulli i dytë në këtë disiplinë pas Kamila Skolimowskas që kishte fituar të artën në Sidnej si 18 vjeçare. Skolimowska kishte ndërruar jetë para 7 viteve, derisa Wlodarczyk në shenjë kujtimi përdori dorëzën e Skolimowskas në rrugëtim tek kjo e artë.