ATLETIKË
Edhe një sprint për Xhamajkën
17 August, 2016 @12:42
Kampioni botëror në kërcim së larti, kanadezi Derek Drouin mori të artën në Rio falë rezultatit më të mirë sezonal të tij prej 2.38m. Në podium ishte edhe Mutaz Essa Barshim nga Katari me dy centimetra më poshtë, dhe Bohdan Bondarenko nga Ukraina me 2.33m.
Drouin dhe Barshim kishin qenë të bronztë në Londër.
Omar McLeod i solli të artën e parë Xhamajkës në vrapim në 110m me pengesa. Ai la mbrapa Orlando Ortegan nga Spanja dhe Dimitri Bascou nga Franca.
Në vrapim 1500m për femrat, më e shpejta ishte Faith Chepngetich Kipyegon nga Kenia. Pas saj u rendit rekorderja botërore, Genzebe Dibaba nga Etiopia derisa e bronzta i takoi Jennifer Simpson nga SHBA-të.
