XHUDO
Edhe Nora Gjakova me medalje, Kosova bënë “hat-trick” në xhudo!
11 January, 2021 @17:32
Xhudistet kosovare sot kanë shkëlqyer në Mastersin e Xhudos që po mbahet në Doha të Katarit.
Pas medaljes së artë të Distria Krasniqit dhe të bronztës së Majlinda Kelmendit, edhe Nora Gjakova nuk ka mbetur duarkryq.
Kjo e fundit ka fituar medaljen e tretë për Kosovën brenda ditës, diku u stolisur me të bronztën pasi e mposhti me shënim të artë Telma Monteiron e Portugalisë, në kategorinë -57 kg.
Në Mastersin e xhudos marrin pjesë vetëm garuesit më të mirë në kategori.
