Europiani i shahut, në Gjakovë

Kampionati Europian individual në shah për vitin 2016 do të mbahet në Gjakovë prej 11 deri më 24 maj të këtij viti, ka bërë të ditur Federata Europiane e Shahut (ECU) sot. 

Organizatorë janë Komuna e Gjakovës bashkë me Federatën e Shahut të Kosovës. 

Fondi i fitimeve në këtë garë do të shkojë deri më 120 mijë euro, ka bërë të ditur ECU sot, ndërsa ky kampionat llogaritet si ngjarje kualifikuese për Kampionatin e ardhshëm Botëror. 

Hotel Pashtriku do të jetë vendi ku do të zhvillohen takimet, ndërsa garuesit nga Federatat e ndryshme europiane do të mund të aplikojnë deri më 25 mars për të marrë pjesë.