Gjermania i takon Hamiltonit

Lewis Hamilton startoi nga pozita e katërmbëdhjetë për të siguruar fitoren e katërt në Shpërblimin e Madh të Gjermanisë, me të cilën barazon rekordin e Michael Schumacher.

Kampioni aktual i botës kaloi në krye të renditjes gjatë kohës së Veturës së Sigurisë në shteg, e cila doli kur Sebastian Vettel humbi drejtimin e bolidit të tij për të përfunduar në murin mbrojtës. Vettel kishte udhëhequr garën nga fillimi.

Dhjetë rrathë para fundit, me largimin e VS, Valtteri Bottas tentoi të kalojë Hamiltonin, por u zmbraps pas mbrojtjes së mirë të britanikut dhe urdhrit të skuderisë. Bottas përfundoi garën i dyti, para Raikkonenit.

Pas kësaj gare, Mercedes kthehet në krye të renditjes së konstruktorëve, e njëkohësisht edhe Hamiltoni në krye të pilotëve. Gara e ardhshme zhvillohet në Hungari, fundjavën që vjen.

German GP

Renditja e përgjithshme