I luhatshmi Murray, mposht Lopezin

Britaniku Andy Murray nuk ia nisi fare mirë ndeshjen ndaj spanjollit Feliciano Lopez dhe ishte gati ta humbte setin e parë. 

Mirëpo, me kalimin e kohës dhe kalimin prej setit në set, kampioni aktual i Wimbledonit, ka arritur të kalojë në tre sete radhazi spanjollin për tu kualifikuar në raundin e katërt të Australian Open. 

“Ka qenë një hap i madh për mua. Feliciano është në TOP 30 të tenistëve më të mirë në botë dhe është njëri ndër kundërshtarët më interesant. Asnjëherë nuk është lehtë kundër tij,” ka thënë Murray pas fitores së sotme. 

Në raundin e katërt Murray do të ndeshet me françezin Stephane Robert, që mposhti më parë sllovakun Martin Klizan.