I pagabueshmi, në finalen e 11-të

Tenisti i shkëlqyeshëm zviceran, Roger Federer, me fitoren e arritur dje ndaj Tomas Berdychit ka siguruar finalen e 11-të të garës prestigjioze në Wimbledon.

Kur luhet finalja e Wimbledonit?

Federer 35 vjeçar, që nuk po jep shenja të plakjes, do të luftojë në finalen e nesërme ndaj Marin Cilicit, që kaloi Novak Djokovicin në gjysmëfinale, në ora 15:00, në Centre Court të Wimbledonit.

Zvicerani është favorit në finale, pasi që ende nuk ka humbur asnjë set në Wimbledonin e sivjetëm, edhepse Berdych e mundoi më së shumti deri tani në këtë Grand Slam.

Deklarata pas arritjes së finales

“Jam shumë i privilegjuar që jam në një finale tjetër. Kam kënaqësinë të luajë në Centre Court edhe njëherë. Nuk mund të besojë se është krejtësisht e vërtetë kjo gjë përsëri. Ndjehem mirë që do të kem një ditë pushim, për të kujtuar çka bëra në këtë turne sivjet,” ka thënë Federer pas fitores në gjysmëfinale, ndërsa ka marrë ovacione nga publiku pas fitores së fundit.

Trofetë e Federerit

Herën e fundit kur Federer ka fituar Wimbledonin ka qenë viti 2012. Zvicerani ka fituar 7 herë këtë Grand Slam, ndërsa nesër do të luftojë për trofeun e tetë të këtij turneu.

Në total, legjenda e gjallë e tenisit botëror dhe shembulli i sportistit të vërtetë, ka 18 Grand Slame të fituara në karrierë.