I pakënaqur nga bolidi

Sebastian Vettel definitivisht është i pakënaqur nga performanca e bolidit të këtij viti të Red Bullit. 

Katër herë kampioni me radhë dhe në fuqi i Formula 1, gjermani Vettel, po kalon momente të vështira në ambientimin e tij me bolidin e këtij viti dhe këtë e ka konfirmuar edhe shefi i ekipit kampion, Christian Horner. 

“Mendoj se Sebastian po kalon momente të vështira pasi që nuk po merr atë që është duke kërkuar nga makina. Ai është tejet i ndjeshëm në disa pika dhe këto nuk po i arrin t’i pranojë,” ka thënë Horner transmeton Eurosport sot. 

Sebastian Vettel është renditur në pozitën e pestë pas 4 garave të sivjetme në Formula 1 me 33 pikë, derisa lideri, Nico Rosberg, ka 79 pikë dhe është duke e udhëhequr renditjen e pilotëve në Formula 1. 

Gara e radhës e Formula 1 në Spanjë, deria skuadrat barten në Europë, pas aventurave në Lindje dhe Lindje të largët. 

Vettel deri më tani, paraqitjen më të mirë e kishte në garën për Çmimin e Madh të Malajzisë, ku përfundoi në podium, në vendin e tretë.