ISTOGU - KERASAN
TOPSPORTI / Arian Paçarizi
Istogu deklason Kerasanin
29 November, 2024 @23:08
Skuadra e Istogut ka regjistruar një fitore të lehtë kundër Kerasanit, duke e mposhtur me rezultat 104-67.
Istogu nuk e lëshoi në asnjë moment epërsinë gjatë ndeshjes.
Mirlind Zekaj shkëlqeu me double-double prej 32 pikëve e 13 kërcimeve. Zekaj u ndihmua edhe nga Orges Shatri me 15 pikë, Brandon Adelman, Dardan Maxharraj dhe Ujkan Karanezi me nga 12 pikë secili.
Te Kerasani luajtën Yll Kastrati me 14 pikë, Trim Isniqi me 12 pikë dhe Dren Kastrati me double-double prej 10 pikëve e 11 kërcimeve.
Istogu ka bilanc prej 5 fitoreve e 2 humbjeve, kurse Kerasani me 2 fitore e 3 humbje.
Në xhiron tjetër Istogu takohet me New Basket, derisa Kerasani takohet me liderin Grapeland.
