Kampionja e Europës, Majlinda

Kush tjetër pos Majlinda Kelmendit do të mund të bëhej Kampione e Europës?! Pejanja magjike ka arritur që përsëri të mposht shoqet e saja nga e mbarë bota për t’ia sjellë Kosovës edhe një sukses të madh ndërkombëtar.

Kelmendi në finalen e turneut të mbajtur në Montpellier të Francës ka mposhtur kundërshtaren ruse, Natalia Kuziutina duke u shpallur Kampione Europiane. 

Para saj ajo radhazi eliminoi kundërshtaret Alexandra Larisa nga Rumania, në gjysmëfinale gjermanen Mareen Kraeh para se të përballej në finale me rusen.