SNAJPERI VAZHDON
Foto: KBBashkimi/fb
Lejson Zeqiri nënshkruan për dy stinorë tjerë me Bashkimin!
14 June, 2025 @11:20
Reprezentuesi i Maqedonisë Veriore, Lejson Zeqiri, ka vazhduar bashkëpunimin me KB Bashkimin.
Klubi prizrenas ka bërë të ditur mbrëmë se aloja Zeqiri ka arritur marrëveshje me ekipin për të qenë pjesë e Bashkimit edhe për dy stinorë tjerë!
Lejson Zeqiri 24-vjeçar kështu bëhet ndër lojtarët e rrallë në basketbollin e Kosovës që ka kontratë mbi një sezonale me një ekip.
“Vazhdojmë me një tjetër emër që e ka fituar zemrën e tifozëve me lojë, pasion dhe përkushtim.
Lejson Zeqiri do të jetë pjesë e Bashkimit edhe për dy (+2) sezone tjera!”, bëri të ditur KB Bashkimi.
Zeqiri në stinorin e kaluar luajti me mesatare prej 28.8 minutash për lojë, duke shënuar 11.8 pikë për ndeshje, 2.1 asistime dhe 4.4 kërcime.
