Liburni në finale

Kampioni në fuqi i futsallit në Kosovë, Liburni nga Gjakova, është kualifikuar edhe këtë sezon në finalen e Superligës së Kosovës në Futsall.

Liburni pas dy ndeshjeve gjysmëfinale (play-off) ishte më i suksesshëm se skuadra e Prishtinës dhe u kualifikua në finale, ku do të përballet me fituesin e takimit ndërmjet Besës dhe Feniksit. Finalisti i dytë përcaktohet të dielën (nesër) në ndeshjen që zhvillohet në Drenas.

Vlen të përmendet fakti që në fund të kësaj jave, Liburnit do t’i bashkohen edhe dy përforcime nga Belgjika, vëllezërit Taulant dhe Arbër Shkodra, me qëllim që t’i ndihmojnë skuadrës drejt titullit të tretë kampion.