Seminari për licensimin e trajnerëve

Në organizim të Federatës Ndërkombëtare të Tenisit (ITF) dhe Federatës së Tenisit të Kosovës, në Prishtinë do të mbahet seminari për licensimin e trajnerëve të tenisit në kuadër të Programit të Edukimit të Trajnerëve të ITF-it.

Për trajnerët fillestar

Seminari ka të bëjë me licensimin e kandidatëve për trajner të tenistëve fillestar dhe të ndërmjetëm (Level 1) Ky seminar do të drejtohet dhe mbikqyret nga i deleguari i Federatës Ndërkombëtare të Tenisit, Goran Shevcenko nga Maqedonia i cili për 15 ditë të ndara në disa faza do të i testoj 15 kandidatë, të cilët do të tentojnë të licensohen dhe pajisen me certifikatën e trajnerit të tenisit sipas standardit ndërkombëtar të lincencimit të trajnerëve të ITF-së. Licensimi i trajnerëve të tenisit në Kosovë është mbajtur edhe në të kaluarën.

Ngritja e cilësisë

Në vitin 2002 është mbajtur Seminari i licensimit të trajnerëve të tenisit sipas organizatës Professional Tennis Registry, ku 7 kandidatë janë licensuar për trajnerë. Ndërsa në vitin 2009 është mbajtur seminari i licensimit të trajnerëve të tenisit sipas programit të ITF-së në kohën kur FTK nuk ka qenë e pranuar në asociacionet ndërkombëtare të tenisit. Federata e Tenisit të Kosovës pas pranimit në asociacionet ndërkombëtare, me qëllim të ngritjes së kualitetit të sportit të tenisit në Kosovë, çështjen e lincensimit të trajnerëve dhe edukimit të tyre e ka cilësuar si ndër dy pikat kryesore të strategjisë së zhvillimit të tenisit.

Terrenet, me rëndësi

Pika tjetër shumë e rëndësishme është përmirësimi i infrastrukturës së sportit të tenisit me ndërtimin e tereneve të reja të tenisit e sidomos atyre të mbyllura në mënyrë që tenistët të e zhvillojnë aktivitetin e tyre për 12 muaj e jo siç ndodh tani kur janë të detyruar të pushojnë dhunshëm 4-5 muaj gjatë periudhës së dimrit.