Majlinda mahnitëse, e artë

Njëra ndër xhudistet më të mira në botë në kategorinë e vetë, kosovarja Majlinda Kelmendi, ka fituar medaljen e artë në turneun prestigjioz Grand Prix Samsun të Turqisë. 

Kelmendi ka mposhtur xhudisten gjermane në finale, Mareen Kraeh. Ky turne tash i siguron Majlindës edhe 300 pikë në renditje botërore, pasi që është turne i nivelit më të lartë. 

Në këtë turne është paraqitur edhe xhudistja tjetër e suksesshme kosovare, Nora Gjakova, por ajo është mposhtur në raundin e dytë nga rusja, Irina Zabludina.