Mou + CR7 në PSG

Cristiano Ronaldo është kërkesa e fundit e Paris Saint Germainit. Ekipi parisien është duke bërë gati ofertën 100 milionë euroshe për të bindur kreun e Real Madridit, Florentino Perez.

Gjithashtu bëhet e ditur se në paket me Cristiano Ronaldon edhe Jose Mourinho bëhet gati për t’iu afruar Zlatan Ibrahimovicit, pranë kullës së Eiffelit.

I tërë ky interesim dhe këto përllogaritje janë bërë prej momentit kur Reali ka shfaqur probleme në ripërtrirjen e rrogës së portugezit, i cili ka kërkuar 18 milionë euro në vjet. E kjo do ta fuste Realin në telashe për shkak të fair-playit financiar që e ka përcaktuar UEFA-ja.

Parisi dëshiron ta kap Ronaldon derisa ai është në fluturim, kurse i vetmi për t’u bindur ka mbetur Florentino Perez. Mirëpo, pronarët e PSG-së nga Katari, ia kanë përkujtuar Perezit, se e vetmja mënyrë për të sjellur Radamel Falcaon në Real Madrid është shitja e Cristiano Ronaldos!!!

E tëra kjo daton kur doli në media lajmi se Cristiano Ronaldo është i pakënaqur në Real. E vërteta është se Cristiano Ronaldo thotë se i ulet reputacioni për shkak se Lionel Messi merr 5 miliionë euro më shumë se ai në vjet. Perez i ka ofruar Ronaldos 14 milionë euro rrogë vjetore, por ai ka kërkuar 18, njofton sot ekskluzivisht e përditshmja italiane, La Gazzetta dello Sport.

E prej atij momenti Cristiano Ronaldo ka shfaqur pakënaqësinë, duke mos qeshur pas golave të shënuara me fanellë të Realit, derisa i erdhi oferta nga PSG-ja, të cilën është duke e shqyrtuar.