Isufi kalon në Hajvali

Edhe ekipi i Hajvalisë nuk po qëndron duarkyq. Ekipi i ardhur në Superligë sivjet ka angazhuar Bekim Isufin në rolin e kryetrajnerit.

Përkundër rezultateve solide, ata kanë larguar trajnerin Emin Bajrami dhe në vend të tij kanë sjellur Bekim Isufin, që udhëhiqte Dritën më parë.

Hajvalia sivjet ka debutuar në Superligë dhe ka pasur rezultate mjaft të mira, derisa në ekip kanë sulmuesin më të mirë aktualisht në Superligë, Fillim Guraziun, që ka shënuar më shumë se gjysmën e golave të ekipit nga paralagjja e Prishtinës.

Hajvalia në XVII xhirot e para të Superligës ka regjistruar 7 fitore, 3 barazime dhe 7 humbje dhe mban mesin e tabelës, vendin e gjashtë me 24 pikë të tubuara.