Nadal e mbyll si lider vitin 2017

Fitorja e sotme ndaj Hyeon Chung në raundin e dytë të Paris Masters ishte e mjaftueshme që Nadal ta sigurojë mbylljen e vitit 2017 si teniseri numër 1 në Botë.

Kjo është hera e katërt në karrierë që Nadal e mbyll një vit kalendarik si lider në Botën e tenisit, ndërsa i vetmi teniser që këtë gjë e ka arritur më shumë herë është Sampras, gjithsej 6 herë.

Pas viteve 2008, 2010 dhe 2013, spanjolli Nadal tashmë e mbyll edhe vitin 2017 si teniseri numër 1 në Botë, kurse kjo arritje është edhe më interesante kur dihet që Nadal në fillim të vitit, saktësisht para fillimit të Australian Open, renditej i nënti në ranglistën botërore. Gjithashtu, me 31 vjeç, spanjolli bëhet teniseri me moshën më të vjetër që arrin ta mbyll një vit kalendarik si numri 1.