DRITON KUKA
“Ndër ditët më të bukura të jetës”
11 January, 2021 @18:00
Kështu e ka përshkruar trajneri triumfues olimpik, Driton Kuka, ditën e sotme, ku të trija xhudistet e Kosovës që i stërvit ai kanë fituar medalje në turneun World Masters në Doha të Katarit.
Distria Krasniqi mori medaljen e artë, ndërsa Majlinda Kelmendi dhe Nora Gjakova kapën të bronztat, secila në kategorinë e vetë, për ta bërë trajnerin jashtëzakonisht të lumtur.
“Tri copa n’mazë! Ndër ditët më të bukura të jetës sime sportive si trajner! Treshja e çmendur ju përshëndet nga Doha,” ka shkruar në postimin e tij në Facebook, Kuka.
Por TopSporti.com do të kishte përmirësuar këtu Kukën: “Trajner, jo treshja, por katërshja e çmendur.”