Newborn përjashtohet nga garat, Borea fiton në tavolinë

Skuadra nga kryeqyteti, Newborn, nuk do të jetë më pjesë e garave të Ligës së Parë të basketbollit.

Sipas nenit 55.10 të Propozicionit të Garave, Newborn do të mbetet jashtë garave, për shkak të dy ndeshjeve të humbura me rezultat zyrtar nga ky edicion.

Ndeshja e paraparë të zhvillohet sot nga ora 14:30 ndërmjet Boreas dhe Newbornit nuk u zhvillua fare për shkak se skuadra mysafire nuk u paraqit për ndeshje dhe kështu Borea pritet ta fitojë ndeshjen me rezultat zyrtar 20:0, sipas rregullores nga neni 55.9.

Kjo është hera e dytë që Newborn po humb me rezultat zyrtar, pasi që edhe javën e kaluar nuk u paraqit në ndeshjen ndaj Lipjanit dhe kështu, automatikisht e ka humbur të drejtën që t’i vazhdoj garat në këtë edicion.

TABELA AKTUALE

Newborni deri para kësaj ndeshjeje kishte vetëm 1 fitore e 6 humbje, ndërsa Borea vazhdon kryesimin në Ligën e Parë me bilanc të qindpërqindtë prej 9 fitoreve.