Ngasësit kosovarë kthehen me kupa nga Italia

Naim Dashaj është renditur i pari në klasën N mbi 2000 kubikë, ndërsa po këtë sukses e ka arritur edhe Afrim Spahi në klasën e parë. Valdet Kaçandolli dhe Korab Bajraktari janë në renditur në pozitën e dytë në klasën E1, përkatësisht N2, ndërsa Bardhyl Canolli në S-S7 dhe Bujar Gola S-S5 garën e kanë përfunduar në pozitën e tretë.

Gjashtë kupa

Gjashtë nga tetë automobilistë tanë sa morën pjesë në garën në Compabasso të Italisë janë kthyer me kupa, e njëherësh i inkasuan edhe pikët e para në kuadër të FIA CEZ (Federata Ndërkombëtare e Automobilizmit për Zonën e Evropës Qendrore).

Naim Dashaj është renditur i pari në klasën N mbi 2000 kubikë, ndërsa po këtë sukses e ka arritur edhe Afrim Spahi në klasën e parë. Valdet Kaçandolli dhe Korab Bajraktari janë në renditur në pozitën e dytë në klasën E1, përkatësisht N2, ndërsa Bardhyl Canolli në S-S7 dhe Bujar Gola S-S5 garën e kanë përfunduar në pozitën e tretë.

Vlerësim i suksesshëm

Në përgjithësi, pjesëmarrja e garuesve tanë në këtë garë është vlerësuar si mjaft e suksesshme. I këtij mendimi është edhe kryetari i FASK-ut, Ismet Rexhepi.

“Mendoj se pjesëmarrja në këtë garë është arsyetuar plotësisht, jo vetëm për shkak të rezultateve të arritura, por edhe për shkak të një përvoje shumë të mirë që e kanë fituar garuesit tanë. Po ashtu, duke marrë parasysh që kjo ishte paraqitja e parë e automobilistëve tanë pas pranimit të FASK-ut në FIA, vlerësojmë se në Compabasso kemi lënë përshtypje mjaft të mirë, gjë që e theksoi edhe organizatori gjatë shpalljes zyrtare të rezultateve”, ka thënë Rexhepi.

Inspirim për të ardhmen

I kënaqur e njëkohësisht edhe i emocionuar pas garës ka qenë Naim Dashaj, i cili ishte fitues në klasën e tij.

“Sigurisht që jam i emocionuar, sepse e kemi pritur gjatë këtë moment. Jam i kënaqur që si unë, ashtu edhe bashkëgarusit e mi e përfaqësuam Kosovën mjaft mirë në një garë ku konkurrenca ishte shumë e fortë. Besoj që me përkrahjen e madhe që e kam nga Valdet Krasniqi dhe me punën që po e bën kryetari Ismet Rexhepi, në të ardhmen do të arrij rezultate edhe më të mira”, është shprehur Dashaj.

Ndërkaq, fituesi tjetër i pozitës së parë, Afrim Spahi, ka thënë: “Jemi shumë të kënaqur që arritëm të dëshmojmë para të tjerëve se Kosova ka garues të mirë, ka automobilizëm të zhvilluar dhe jemi të barabartë me të tjerët”.

Edhe garuesit tjerë që fituan kupa janë shprehur të kënaqur me rezultatet e arritura, ndërsa menjëherë kanë filluar të mendojnë për fundjavën e ardhshme, pasi në Kotorr të Malit të Z ii pret një garë tjetër ndërkombëtare.