Peja viktima e radhës, Super Bashkimi me bilanc 7-0

Nga disavantazhi prej minus 16 pikëve, Bashkimi e mposhti Pejën me rezultat 66-71 në “Karagaç”.

Ndeshja nuk filloi mirë aspak për prizrenasit. Peja e nisi ndeshjen me një seri prej 8-0, kurse gjatë ndeshjes epërsia më e madhe për pejanët ishte 16 pikë.

Por, Bashkimi nuk u dorëzua dhe në fund të pjesës së parë e barazoi rezultatin në 39-39.

Në 10 minutëshin e tretë, rezultati ishte i ngushtë, derisa, Bashkimi në çerekun e fundit me mbrojtje të fortë dhe me shënime të sakta e regjistroi fitoren e radhës.

Lejson Zeqiri me 18 pikë ishte më i dalluari te Bashkimi, derisa u ndihmua edhe nga Malik White e Samir Zekiqi me nga 13 pikë secili.

Te Peja Darnell Cowart me 12 pikë dhe Shahada Wells me 10 pikë.

Gjithashtu te Peja u rikthye edhe Dardan Berisha. Dardani luajti 19 minuta, me 5 pikë, 1 kërcime e 1 bllkadë.

TABELA AKTUALE

Bashkimi është skuadra e vetme pa humbje pas 7 xhirove në Superligë, kurse Peja me 2 fitore e 5 humbje gjedet në pozitën e katërt.

Në xhiron e 8, Bashkimi takohet me Trepçën, derisa Peja me Vëllaznimin.